Page 59 - Литература 6 кылаас 1 чааhа
P. 59
Араат Мохсоҕол,
Аҥаардастыы аатырыаххын
Аатырбыт эбиккин.
Кырдьык даҕаны,
Быһыйга быһыылаах,
Модьуга моһуоннаах,
Күүстээх көрүҥнээх
Киһи эбиккин!
Мин
Чыҥкыныыр чыҥыс халлаан уола
Чуҥкунуур Чуура бухатыыр диэн этим.
Турар бэйэҕэр,
Тоҥ күөҥҥэр
Дорообо буоллун!
Эриэн тойон оҕонньор аҕалаах,
Эбириэлдьин хотун эмээхсин ийэлээх,
Икки күлүктээх
Эмньик кулун аттаах
Эрчимэн Бэргэн,
А±ыс агдабын алдьатан,
То±ус ойо±оспун то´утан,
Илдьиккэ ыытта.
Ойууру солоон
Ураһа оҥоһуннум,
Тумулу ыраастаан
Тусаһа тэринним.
Сотору
Хоонньуга сытар
Холоонноох доҕор аҕалыам,
Тэллэххэ сытар
Тэҥнээх доҕор булунуом.
Онно —
Эрдэ турар,
Этэрбэс аҕалар,
Хара тыһаҕас тириитэ ыстааннаах,
Хаппыт хамыйыалка сонноох
Хамначчыт уол наада диир.
Урутунан билигин
59
