Page 55 - Литература 6 кылаас 1 чааhа
P. 55
Икки күлүктээх
Эмньик кулун аттаах
Эрчимэн Бэргэн
Туспа ыал буолан дугуйдамматын,
Сэп-сэбиргэл тэринэн сиппэтин,
Миэхэ кэлэн,
Кыһынын сүгэ тутар,
Сайынын кыраабыл тутар,
Хара тыһаҕас тириитэ ыстааннаах,
Хаппыт хатыйыалка сонноох
Хамначчыт уол буолан
Суорумабар соноотун,
Тарбар дагдайдын,
Бөлөнөхпөр бөскөйдүн диир.
Буолуммат буоллаҕына,
Бэйэм бараммын,
Самыытын саралаан,
Иэнин эриэннээн,
Соноҕоһум кутуругар
Состорон аҕалыам диир.
Дьэ,
Барар-барбат тылгын этэ оҕус,
Айан киһитин аралдьытыма,
Суол киһитин уталытыма!
Тойонум
Тоҕо хойутаатыҥ диэн доппуруостуо,
Хатыным
Ханна сырыттыҥ диэн хабырыйыа!.. — диэтэ.
***
Онуоха биһиги киһибит
Омуннаахтык өһүргэннэ,
Улаханнык уордайда.
Ураһатын улахан аҥаарын
Күлүк өттүн
Көҥү көтөн,
Тулааһын баҕаналарын
Тоҕута анньан,
55
