Page 47 - Литература 6 кылаас 1 чааhа

Мастардыын туста
Баран баран,
Үөһээлээн да көппүтэ,
Аллараалаан да тимирбитэ
Биллибэккэ-көстүбэккэ,
Мэлийэн, сүтэн хаалбыт.

Оҕонньордоох эмээхсин,
Уолларын сүтэрэн,
Омун аһыыга киирбиттэр.
Көмүс чыычаахтарын
Көрө мэлиппиттэр,
Алтан далбарайдарын
Адьас куоттарбыттар.
Кинилэр даҕаны,
Киҥкир хара тыа курдук,
Киэҥ билсиилээх дьон эбит,
Баай хара тыа курдук,
Бар дьонноох ыал эбит.
Хонугунан тиийэн,
Хотуттан ыйыппыттар;
Атахтарынан баран,
Арҕааттан ыйыппыттар;
Сурах оҕустаран,
Соҕуруу көрдөөбүттэр;
Илдьит ыытан,
Илин ирдээбиттэр.
Ол тухары
Харахтаах көрбөтөх,
Кулгаахтаах истибэтэх
Тумаҥҥа ууллубут курдук,
Туоһута суох мэлийбит.

IV

Сээркээн сэһэннэр,
Ытык кырдьаҕастар,
Сүрэхтэринэн сэрэйэн,
Көхсүлэринэн таайан,

47