Page 46 - Литература 6 кылаас 1 чааhа
P. 46
Уолуйан-таалыйан уһуктар,
Улуутуйар улуу Суорун оҕонньор
Удурҕаччы удьуордара,
Үөһэттэн сотору-сотору
Өһүөннээн түһэннэр,
Үрэйэн тахсар буолбуттар эбит...
III
Кэмниэ-кэнэҕэс,
Хомнуо-хойут, —
Эриэн тойон оҕонньор,
Эбириэлдьин хотун эмээхсин,
Илин астара
Элэмэстийэрин саҕана, —
Кэлин астара
Кэрэмэстийэрин саҕана, —
Саннын байаатынан охсуллар
Хампа көмүс баттахтаах,
Көхсүн быһаҕаһынан охсуллар
Көмүс долгун көҕүллээх
Олус үчүгэй
Уол оҕо төрөөбүт…
Олоҥхотун олоҥхо,
Ол оҕо, арай,
Биир хоноот — биирдэнэн,
Икки хоноот — иккилэнэн,
Үс хоноот — үстэнэн
Үөскүлэҥник үүммүт,
Омуннаахтык улааппыт.
Ол улаатан иһэн,
Уол биир сарсыарда
Оронуттан ойон туран,
Кырдал хонууга
Кылыйа оонньуу,
Сүлбэ далайга
Сөтүөлүү оонньуу,
Баай хара тыаҕа
46
