Page 190 - Литература 7 кылаас 2 чааhа
P. 190
КЭРЭ ЭЙГЭТИГЭР
2016 сыллаахха Эстрада тыйаатыра Т. Сметанин «Лоокуут
уонна Ньургуһун» драматынан «Тыыммын ылан тыыҥҥар хол-
боо» диэн бастакы сахалыы мюзиклы туруорбута. Режиссёр
Сергей Потапов испэктээк жанрын электро-поп-фолк-драма
диэн быһаарбыта. Бу туруорууга саха эстрадатын чаҕылхай
уонна саҥа тахсан эрэ артыыстара: Умсуура, Иннокентий Ле-
бедев, Лэгэнтэй, Сахаайа, Аскалон Павлов, Павел Семёнов,
Василий Еремеев, Далаана, Герман Степанов, Чыскыырай,
Олимпия, Юлияна, «Айархаан» бөлөх, Герман, Клавдия Ха-
тылаевтар уо.д.а. — кыттыыны ылбыттара. Бу мюзиклы көрүҥ
уонна бэйэҕит санааҕытын суруйуҥ.
Анаан дьүүллэһии
Т. Сметанин Ньургуһунун уонна Н. Заболоцкай Мааппатын
уйулҕалара алдьаныытын социальнай-психологическай төрүт-
тэрин быһаарсыҥ. Таптаабат киһигэр күүс өттүнэн күһэйэн
эргэ биэрии, иҥсэ-обот уонна киһи туһунан куһаҕан хобу-сиби
тарҕатыы киһи уйулҕата хамсааһыныгар туох куһаҕан содул-
лааҕын аахпыт айымньыларгытыгар олоҕуран кэпсээҥ.
190
