Page 187 - Литература 7 кылаас 2 чааhа
P. 187
(Нараҕан кэлэр.)
Лоокуут
Аҕаа, дьиэбит хаппахчылаах
Буолар буолла,
Ньургуһун биһикки
Холбоһор буоллубут!
Нараҕан
Холбоһор буоллубут даа?!
Дьиэбит хаппахчылаах буолар даа?!
Чээ, оччоҕо мин баран,
Били оҕолору тохтотуум.
Ол аата дьиэбит акылаатын
Атыннык түһэрэр буоллахпыт дии!
Мөлчөс
(сүүрүүнэн барар. Нуннууру сиэтэн кэлэн, Күһэҥэйгэ сүгүрүйэр).
Биһиги аҕата-ийэтэ суох тулаайахтарбыт,
Эн биһиэхэ, аҕата суохтарга, аҕа буол,
Ийэтэ суохтарга ийэ буол, алгыскын аҕал,
Көҥүллээ биһиги холбоһорбутун!..
Нуннуур
Көҥүллээ холбоһорбутун!..
Күһэҥэй
Көҥүллүүбүн, көмүстэриэм!
Ыал буолуҥ, дьон буолуҥ!
Күөх сайыҥҥа
Күөх буруоҕут
Күөл үрдүнэн унаардын!..
Кыыдааннаах кыһыҥҥа
Кыһыҥҥы үөлэскит кыыма
Айанньыт хараҕар сандаардын!
187
