Page 188 - Литература 7 кылаас 2 чааhа

Мөлчөс
(Лоокуукка).
Дьиэбитин бииргэ туттуох
Уонна дьукаах олоруох!..

Лоокуут
Сиэрдээхтик сэһэргээтиҥ!..
Ол аата дьиэбит акылаата
Өссө атыннык түһэр буоллаҕа!..

Уолаттар, кыргыттар күлсэн ньиргиһэ түһэллэр.

Күһэҥэй
(эргиччи көрүтэлиир, бытыгын имэринэр).
Өлөр үйэбэр, кырдьар сааспар
Үөрүү-көтүү арыалланнаҕым…
Бу кэнчээри ыччаттары көрө-көрө,
Бу күлбүт-үөрбүт сирэйдэри көрө-көрө,
Уолбар түһэн
Уҥуоҕум чэпчииргэ дылы буоллаҕа үһү,
Эдэрбэр түһэн
Инним сырдыырга дылы гыннаҕа үһү…
Чэ, тоҕо турдугут,
Оонньоон иһиҥ,
Көрүлээн иһиҥ,
Уруута тэрийиҥ!
Уруйда тардыһыҥ?!

Ырыа-тойук, үҥкүү-битии өрө оргуйа түһэр.

Быыс

Тылбытын байытабыт

Тордуйа — туостан үүйэн оҥоһуллубут убаҕаһы иһэргэ анал-
лаах иһит.

Атыйах — туос иһит.

188