Page 183 - Литература 7 кылаас 2 чааhа
P. 183
(Оҕуруолары биэрэр.)
Нуннуур
Кимиэхэ?
Ньургуһун
Киниэхэ…
Нуннуур
Ээ, сөп, киниэхэ…
К ы р г ы т т а р дьиэрэҥкэйдээн бараллар. Чочум соҕус буолан баран,
Д а л б а р д а а х тахсан кыыһыгар чугаһыыр.
Далбардаах
Манна олорор эбиккин дуу,
Тоҕо былаатыҥ суоҕуй?
Күн уота тобулу көрөөрөй!
Тоойуом, Ньургуһунуом,
Туохтан куруук санаарҕыыгын?
Ииччэх талах курдук
Иинэн-хатан иһэҕин,
Тоҕо үөрбэккин-көппөккүн,
Туохтан мунчаараҕын?
Имҥэр тоҕо хаан киирбэтий,
Илииҥ тоҕо тымныыный?
Саха билэр эминэн
Санаабар барытынан эмтээтим…
Ньургуһун
Ийээ,
Эн миигин элбэх эминэн эмтээтиҥ.
Истэн кэбис, ийэкээ,
Эмп миигин аны
Абырыырын ааста…
Далбардаах
Тугуй ол, тоойуом?
Туохха баҕараҕын?
183
