Page 185 - Литература 7 кылаас 2 чааhа
P. 185
Ньургуһун
Ааттаһабын да, аҕаккаам,
Көрдөһөбүн да, ийэккээм,
Күнүм эмиэ хараарда,
Көхсүм эмиэ кыараата…
Аналлааҕым миэнэ атын,
Абырааҥ миигин бу дьонтон..
Лоокуут
(сүүрэн кэлэр).
Ньургуһуон, доҕоруом!
Тистин диэн ыыппыккын
Тистим, көр, бу бииргэ…
Ньургуһун
(Лоокуукка утары сүүрэн тиийэн).
Мин эйиэнэбин,
Ыл куус,
Бука бары көрдүннэр!
Лоокууттуун куустуһаллар.
Мин аҕам сөбүлээбэт,
Мин дьоллоох буолуохпар баҕарбат,
Илдьэ бар миигин,
Илдьэ бар ыраах хайаҕа.
Аҕабыттан кыраммыт курдук да сананнарбын
Эйигин кытта үөрэ-көтө сылдьыам.
Тыыннаахтыы араҥастаммыппын быыһаабытыҥ,
Аны тыыммын ылан тыыҥҥар холбоо!
Илдьэ бар, барыах!..
Баһыкка
Инньэ диэмэ, тоойуом,
Алҕаһаабыппын, көҥүллүүбүн.
Холбоһуҥ…
(Мардьааһайдаахха.)
185
