Page 182 - Литература 7 кылаас 2 чааhа
P. 182
Солко нуоҕай суһуоххун
Субуруччу тараатым.
Күүстээх ардах кэнниттэн
Күнэ көрбүт халлаанныы,
Күндүкэлиир сэгэрим,
Күлэн-үөрэн барыый даа!
Тахсар күнү көрсүһэр
Чаалай отум кэриэтэ
Чараас-чараас соҕустук
Чыпчылыйан ылыый даа!
Күүгэн көмүс баттаххын
Күнү быһа даҕаны
Сыйбаарыччы тарыыртан
Сылайыахпын билбэппин…
Оо, үчүгэйдик баҕас ыллыыр буоллаҕым дуу,
Нарын да нарын ырыалары ыллыам этэ,
Дьүөгэбэр эйиэхэ анаан
Кэрэ да кэрэ тойуктары туойуом этэ…
Ньургуһуон, тоҕо саҥарбаккын?
Үөр-көт даа!
Көрөҕүн дуо, хайдахтаах
Ыраас, үчүгэй күн буолан эрэрин?..
Оо, көрөҕүн дуо, Ньургуһун,
Күһэҥэй оҕонньор барахсан,
Көр, ол ханна эрэ барда.
Ньургуһун
Киһи күүһүлээн үөрбэт.
Сүрэх үөрбэт буоллаҕына,
Сүрэххэ туох эрэ итэҕэс буоллаҕына —
Киһи уоһа сатаан күлбэт,
Киһи хараҕа сымыйанан мичээрдээбэт…
Бу икки оҕуруону
Илдьэн биэриҥ киниэхэ,
Балары кини биир бөҕө сапка тистин…
182
