Page 179 - Литература 7 кылаас 2 чааhа
P. 179
Мөлчөс
Хойутаабыппыт…
Лоокуут
Хойутаабыппыт даа, хайдах?
Мөлчөс
Кистээбиттэр…
М ө л ч ө с санаарҕаабыттыы туттан барар.
Лоокуут
Кистээбиттэр…
Суох гыммыттар…
Этэ-сиинэ эмэх буолан эстиэҕэ…
Сииги кытта сиик буолан симэлийиэҕэ…
(Хатыҥы кууһа түһэр, түлэс-балас барар. Онтон өйдөнөн,
бэйэтин кыанан, сирэйэ-хараҕа уоттанан кэлэр.)
Сытыйыан иннинэ…
Мин бэйэм…
Ким да суоҕар…
Соҕотоҕун!..
(Түргэнник барар.)
Быыс
7-с ХАРТЫЫНА
Ойуур саҕата, хараҥа.
Булгунньахха субу аҕай араҥастаммыт киһи уҥуоҕун сулламмыт
мастара маҥхаһан көстөллөр. Ол анараа өттүгэр эргэ араҥастар ба-
рыһан, иэҕэһэн тураллар. Суор чаҥыргыыр. Онтон модьугу куобаҕы
үргүтэн күллэрэстиир.
Эмиэ уу чуумпу…
Мэкчиргэ иһиирэн сирилэтэр. Ойуур быыһынан кэлтэгэй ый кы-
таран тахсар.
Сүгэ тутуурдаах үрүҥ түнэ сонноох к и һ и оргууй аҕай кэлэр.
Араҥас аттыгар тохтуур. Иһиллиир дуу, дьулайар дуу курдук буолар.
Араҥас биир кулугутун устар. Суор чаҥыргыыр. Киһи тохтоон турар.
Суор саҥата сүтэр.
179
