Page 177 - Литература 7 кылаас 2 чааhа

Нараҕан

Баһыкка оҕонньор
Төттөрү эппитин истээт,
Барар сирин эппэккэ,
Барбыта да, кэлэ илик.
Ньургуһун суох буолбутун
Лоокуут өссө билбэккэ сырыттаҕа.

Далбардаах

Чэ, баран көрүөҕүҥ.

Бараллар. Өтөр буолан баран, Л о о к у у т М ө л ч ө с т ү ү н тиийэн
кэлэллэр.

Лоокуут

Баһыккалаах дьиэлэригэр баран,
Ньургуһуну төһөҕө кистииллэрин,
Кимнээх баалларын,
Билэн кэл.
Мин манна буолуом.

М ө л ч ө с барар.

Ок-сиэ, кини өлүгүн көрүөх
Сорум буоллаҕа.
Суһалын баҕаһын суох буолбута…
Соһуччутун, соһумарын!..
Сөбүлээбэт киһитигэр барымаары
Соруйан өлбүт бэйэтэ дуу?
Тыыннаах ньургуһун оттуу
Тырымныыр бэйэтэ,
Тыына быһыннаҕа…
Хаһан кинини кистииллэрэй,
Хайдах баран көрсөбүн?!
Көрүстэр эрэ үөрэ-көтө көрсөр
Сайаҕас харахтара сабылланнар,
Силии курдук,
Синньигэс тарбахтара
Түөһүгэр уурулланнар,
Хоруоп маска сыттаҕа дии…

177