Page 172 - Литература 7 кылаас 2 чааhа

Баайдаах дьоло миэхэ —
Баттык, сор-муҥ буолла…
Быраһаай, Ньургуһун!
Мин бардым Бүлүү тааһыгар,
Тыал, тымныы күүлэйдиир сиригэр.
Баҕар, онно мин
Бааһырбыт сүрэҕим сөрүүкүө,
Эн аттыгар сылдьары
Аны тулуйбаппын.
Баҕар, онно тааска,
Өрүс сөрүүн тыалыгар
Күөс быстыҥнаах, саатар,
Көччүйүүнү булуоҕум.
Быралыйдым, Ньургуһун, быралыйдым.
Ол эрээри, ол эрээри…

Барар.

Тылбытын байытабыт

Драматтан олох олоруу, киһи дьылҕатын уонна таптал туһу-
нан ох тыллары булан тэтэрээккитигэр устуҥ, кинилэргэ норуот
муудараһа хайдах бэриллибитин быһаарсыҥ.

? Ыйытыылар уонна сорудахтар

1. Лоокууттаах Ньургуһун тапталлара тугунан күүстээҕий?
2. Мардьааһай тапталга, ыал буолууга, дьадаҥы дьоҥҥо сы-

һыана туох уратылааҕый? Кини Локууту тоҕо сэниирий?
3. Нараҕан бэйэтин олоҕор туох улахан алҕаһы оҥорбутуй,

кини билигин онтон кэмсинэр дуо?
4. Драмаҕа саха хатыҥын уобараһа, айымньы персонажтара

хатыҥ маска сүгүрүйүүлэрэ ханнык түгэнтэн көстөрүй?
5. Нараҕаннаах уонна Сэрбэкэлээх дьиэ кэргэн олохторун-дьа-

һахтарын, майгыларын-сигилилэрин эйгэтин характеристика-
лааҥ, кинилэр бэйэ-бэйэлэриттэн тугунан уратылаһалларый?

172