Page 170 - Литература 7 кылаас 2 чааhа
P. 170
Үрүҥ дьиэ үрүмэччитэ буолар —
Үөрүүлээх кэмиҥ,
Хара дьиэ хараҥаччыта буолар —
Ахтылҕаннаах кэмиҥ,
Эргэ барарыҥ кэлбит курдук көрөбүн,
Оннук дуо, ооккоом?
(Иэдэһиттэн имэрийэр.)
Эргэ барыы туһунан эппиппэр
Иэдэһиҥ итийбититтэн,
Сүрэҕиҥ тэбиитэ күүһүрбүтүттэн
Тойонноотохпуна,
Эн олоххун кэскиллиирбэр
Утарбаккын быһыылаах,
Оннук дуо, ооккоом?
Ньургуһун
Оннук…
Баһыкка
Туруоруҥ, киирииҥ-тахсыыҥ суоҕа, —
Кэргэҥҥэр таптатыаҕыҥ.
Эн инники олоххун биһиги, төрөппүттэриҥ,
Быһааран олоробут.
Эйиэхэ сөптөөх киһини буллубут.
Эн сөбүлүүр инигин?
Ньургуһун
Сөбүлүүбүн…
Баһыкка
(быган көрөн баран).
Көрүөххүн баҕараҕын дуо, көмүһүөм,
Күн сиригэр биирдэ көрсөр күндү доҕоргун,
Билигин мин оҕобун үөрдүөм,
Үөлээннээххин көрдөрүөм…
(Хаппахчы ааныгар барар.)
170
