Page 166 - Литература 7 кылаас 2 чааhа
P. 166
Билиэм суоҕа дуо, ол иһин —
Мин сэрэйбитим курдук эбит!
Далбардаах
Оҕоҥ санаатын билбэккэ сылдьан,
Ол кэпсэтэ оҕустуҥ дуу?
Баһыкка
Оҕом, Ньургуһунум, сөбүлүөҕэ.
Аҕатын тылыттан ханна тахсыаҕай?
Соҕотох оҕом дьоллоохтук, баайдык-дуоллук
Олороругар баҕарабын.
Киһи көстөр дьүһүнэ диэн күн кырааската.
Этэргэ дылы,
Киһи сирэйигэр киһи суорат кутан салаабат.
Баай-дуол, үтүө аат — киһи олоҕун сүнньэ.
Мардьааһай сирэйинэн халы-мааргытын иһин,
Баай, төрүт киһи оҕото.
Далбардаах
Өскөтүн оҕобут сөбүлээбэт буоллун?
Эн билэҕин ээ, Ньургуһун —
Ньургуһун от курдук,
Намчы, чараас сүрэхтээҕин?!
Сөбүлээбэт киһилиин олорууттан,
Сүрэх-быар ыарыытыттан,
Быһа тардыллан алаастан кумахха
Быраҕыллыбыт ньургуһун от курдук,
Хайа оҕобут
Хатан, кууран бараарай?
Соҕотох оҕобут олоҕун,
Кэлэр кэскилин
Олус чэпчэкитик быһааран эрэбит.
Оҕом уһаата даҕаны,
Сүрэҕим тоҕо хамсыырый?
166
