Page 168 - Литература 7 кылаас 2 чааhа
P. 168
Лоокууттаах Ньургуһуммутун
Холбуохха дии кэллим,
Оҕолорбут ыал буоллунар, —
Унаар буруону таһаардынар.
Мин төһө да дьадаҥым иһин
Оҕом булчут-алчыт, баайа илиитигэр,
Ньургуһуннуун олохторун холбоотохторуна —
Кинилэр дьоллоро иннилэригэр.
Туох диигит, эһиги итиниэхэ?
Баһыкка
(тохтуу түһэн баран).
Эн этэрин эттиҥ да,
Ити табыллыбат.
Уу чугаһа үчүгэй,
Уруу ырааҕа ордук.
Нараҕан
Халыымы-сулууну уйуммат
Халтаҥ киһи диэн
Саныырыҥ сөбүн сөп…
Кырдьыга, мин оҕом
Көмүһэ — көлөһүнэ,
Баайа — икки илиитэ киһи.
Халыыма диэн — сүрэҕэ,
Күөн туттара — таптала.
Ол да буоллар…
Баһыкка
Онон-манан иэҕимэ,
Оҕобутун бастаах-көстөөх
Баай-төрүт киһиэхэ биэрэргэ
Быһаарынан олоробут.
Нараҕан
Бэйэ-бэйэлэрин, оҕолорбут
Бэркэ диэн сөбүлэһэллэр эбээт,
Кинилэр дьоллорун, кэлэр кэскиллэрин
Кэҕиннэрэбит дуу?
168
