Page 164 - Литература 7 кылаас 2 чааhа
P. 164
Кырыска сибэккилэр сипсиһэллэрин!..
Айылҕа ийэбит чэлгийбитин!..
Көрүүй даа,
Тула өттүбүт тула
Көҕөрө-наҕара
Көҕүтэ, күлэ турар.
Тула өттүбүт тула
Уураһыҥ-сыллаһыҥ диэн
Угуйа-ыҥыра турар…
Лоокуут
Онон?
Лоокуут
Онон…
(Ньургуһуну кууһан ылан ууруур.)
У о л а т т а р, к ы р г ы т т а р от-мас быыһыттан ойуоххалаһан тах-
саннар, Лоокууттаах Ньургуһуну төгүрүйэ түһээт, илиилэриттэн ыл-
сан, эргийэ сүүрэ сылдьан, атахтарын төбөтүнэн бэгэчийэ-дэгэчийэ
ыллыыллар.
Лоокуут уонна Ньургуһун
Дьоллоруккут туһугар
Күөхтүүр сиртэн тирэнэн
Көтөн-мөҥөн биэриэҕиҥ!
Көлүөһэлии эргийэр
Күрүөлэрбит курдук дуу,
Дьүөгэлэрбит олоҕун
Дьүөрэлээтин дьол-соргу!
М ө л ч ө с төттөрү сүүрэн кэлэр.
Мөлчөс
Лоокуут, тиэтэй, —
Хойутууруҥ буолла…
Сэрбэкэлээх Мардьааһай
Үс ындыылаах аттанан,
Ньургуһун дьонугар —
Баһыккалаах диэки бардылар…
164
