Page 160 - Литература 7 кылаас 2 чааhа
P. 160
Эйигин күүтэн турдахпына,
Эмискэччи ойуур иһиттэн
Кыыл таба сирэйэ
Кылбас гынаат сүтэн хаалбыта,
Кинини эккирэтэн, ситэн,
Ытаары кыҥаан эрдэхпинэ,
Ойоҕоспор тыас тыаһаабытын
Көрө түспүтүм —
Иккис кыыл таба турар эбит.
Биирдэрин өлөрөн,
Биирдэрин тулаайах хаалларары
Аһына санаатым,
Мин үөрүүлээх күммэр
Хаан тахсыан баҕарбатым.
Ньургуһун
Хайдах курдук эн
Үтүө сүрэхтээххиний?
Ити иһин мин…
Лоокуут
«Ити иһин мин
Эйигин таптыыбын» диэ,
Ньургуһуон,
Тоҕо эн кэмчиэрийэҕин?
Мин эйигин дьиэбэр сиэтэн илдьэн
Күөх оту быстарарым,
Кэрэ олоҕум
Киэргэлэ оҥосторум,
Сорсуйбут дьоммун
Соһумардык үөрдэрим,
Суо-чаҕаан аал уоппун
Күллэрэрим эрэ хаалла буолбаат?!
Дьонуҥ санаатын биллиҥ дуо,
Туох дииллэрий, сөбүлүүллэр дуо?
Ньургуһун
Туох да диэн этиэхпин булбакка сылдьабын.
160
