Page 156 - Литература 7 кылаас 2 чааhа

Балааҕыйа таптаабат эбит.
Кэтириинэ букатын таптаабат.
Өкүлүүн кыратык таптыыр эбит.
Аана сарсын таптыыһы.
Оттон Нуннуур…
Өскөтүн кырдьык өллөхпүнэ,
Биир ытыыр киһи баар буолсу.
Мардьааһайы моонньун
Миинэ түһүөх киһи,
Сүнньэ быстан,
Кырдьык өлөн хаалыа дии санаатым.
Түһэрбэр көхсүн тэбэн түстүм.

Нуннуур
(Мөлчөскө).

Тугуҥ да ыалдьыбатах дуу?
Мин эйигин уҥна диэтим.

Мөлчөс
Өлбүт диэбитиҥ дии.
Оҥостон баран түстэҕим дии,
Онон туох буолуомуй…
Үлэбит бүттэ дии, оҕолоор?

Нуннуур
Хайдах курдук үчүгэйдик симээтибит?
Билигин Лоокуут уонна Ньургуһун
Биһиги симээбит хатыҥмытыгар кэлиэхтэрэ.
Кинилэр нарын таптаһыыларын
Хатыҥнарбыт көрүөхтэрэ,
Кинилэр кэрэ кэпсэтиилэрин
Хатыҥнарбыт истиэхтэрэ.
Чэ, биһиги барыаҕыҥ.

(Оҕолор бараллар. Мөлчөс Нуннууру тохтотор.)

Мөлчөс
Нуннуур,
Оннук дуо?.. Уруккутун курдук дуо?..

156