Page 153 - Литература 7 кылаас 2 чааhа
P. 153
Лоокуут
Эн ирээккин тугу да
Тыыппатаҕым буолуо дии саныыбын.
Мардьааһай
Мин ирээппин,
Мин аналбын
Куду тардан эрэҕин,
Куһаҕан киһини буллаҕыҥ буолуо!
Лоокуут
(ыллыы-ыллыы ааһан эрэр Мөлчөскө).
Түүннэри-күнүстэри мэлдьи биири,
«Хараҥачай буолла» диэн ыллааҥҥын,
Мөлчөс, бу ханна тиэтэйдиҥ?
Мөлчөс
Тиэтэйиминэ…
Эһиги бу Ньургуһуну үллэстэ тураҕыт дуу?
Ол эрээри Ньургуһун биир эрэ сүрэхтээх,
Үпкэ-аска дылы
Хайдах сатаан үллэстиэххит эбитэ буолла.
Оттон мин…
(Ыллыыр.)
Бараахайдыыр суолбар —
Балаагыйа дьахтар,
Кэлээхэйдиир суолбар —
Кэтириинэ дьахтар.
(Ааһар.)
Лоокуут
Кырдьык.
Ньургуһун мал-сал буолбатах,
Кинини харчынан атыылаһыахха сатаммат,
Эйигин сөбүлээбэт ээ.
Эн тоҕо миэхэ мэһэйдэһэҕин?
153
