Page 151 - Литература 7 кылаас 2 чааhа
P. 151
Ньургуһун
Итиччэ таптыыргын, ытыктыыргын
Киниэхэ эн тоҕо эппэккин?
Лоокуут
Кимиэхэ?
Ньургуһун
Таптыыр кыыскар.
Лоокуут
Билэҕин дуо, мин кими таптыырбын?
Ньургуһун
Билбэппин.
Лоокуут
Билиэххин баҕараҕын дуо?
Ньургуһун
Уруу буоллаҕына
Төһө ыраах дуу, чугас дуу барарбын
Урут истэн кэбиһэрбэр
Улахан үөрүүлээх буолуом этэ.
Лоокуут
Эн…
Эн мин тапталлааҕым.
Эйигин таптыырбын
Эйиэхэ эппэккэ
Уоттаах баҕам
Уолукпар убайда…
Күүстээх санаам
Көхсүбэр көйүннэ…
Этиэхпин барытын эттим, —
Дьэ билигин чэпчээтим.
Дьолунан мин сүрэхпин
Толордоххуна эн толоруоҥ,
Үөрүүнү биллэрдэххинэ
151
