Page 147 - Литература 7 кылаас 2 чааhа
P. 147
Нараҕан
Тыый, оҕонньоор,
Киһи айылаахтар оҕолоругар
Кэлин хаалларардаах буолаллар дии.
Миигиттэн атын кыанар,
Халыымы-сулууну уйунар
Киһиттэн төрөөбүтэ буоллар,
Оҕом өссө
Ыал буолан,
Кэргэннэнэн хаалыа этэ.
Орто дойду олоҕор
Олорон барбыт бэлиэ,
Дьол диэн
Ол эрэ буолуо этэ,
Бу тугу кыбынныҥ?
Баһыкка
Анаан оҕобор Ньургуһуҥҥа
Таҥас-сап симэҕэ,
Илин-кэлин кэбиһэр,
Бастыҥа уһаннарбыппын ылаары,
Быйыл сааһы быһа
Саҥаар, Оҕуруос икки ардыгар
Аамай ууска
Биэрэс тэбэн-тэбэн баран,
Бу ылан иһэбин.
(Саҥа бастыҥаны, илин-кэлин кэбиһэри таһааран чылырдатар,
төбөтүгэр кэтэр, күһүгүрээн күлэр.Төттөрү суулуур.)
Нараҕан
Оҕоҕун Ньургуһуну
Ол дьиэлээн көрөөрү,
Симэх-таҥас тэрийэн эрдэҕиҥ.
Ньургуһун барахсан аһыныгас,
Киһилии быһыылаах оҕо.
Үчүгэй таптыыр киһитигэр түбэстэр
Үйэтэ уһуо этэ.
147
