Page 152 - Литература 7 кылаас 2 чааhа
P. 152
Эн эрэ биллэриэҥ…
Эбэтэр,
Эйигиттэн
Сорго тиксэн соҥуйуоҕум,
Санааҕа тиксэн санньыйыаҕым.
Туох диигин, Ньургуһуон,
Тоҕо саҥарбаккын?!
Биир минньигэс мичээрдэ
Бэлэхтээ даа,
Биир итии тылла
Иһитиннэр даа!!!
(Ньургуһун иннигэр сөһүргэстии түһэр. Сотору турар.)
Сөбүлээбэт сүрэҕи
Сүгүрүйэн да манньытыллыбат.
Таптаабат киһини
Ааттаан да ылыннарыллыбат.
Ити аата мин —
Албын эрэлбин итэҕэйбит эбиппин,
Ити аата мин —
Аҥаардастыы таптаабыт эбиппин.
Н ь у р г у һ у н түргэн үлүгэрдик Лоокуут моонньугар солко былаа-
ты эрийэ быраҕаат, сүүрэн хаалар. Лоокуут солко былааты моонньут-
тан ылан тэниҥнэтэн көрөр, сүрэҕэр-быарыгар туттумахтыыр, онтон
былааты бэйэтигэр көлбүүрдүү быраҕар, сирэйигэр саба тардынар,
үөрүүтүттэн ситимэ суох туох түбэһэри ыллыыр.
Оо… дьэ…
Лоокуут эн
Дьоллооххун,
Ньургуһун диэн
Доҕордооххун!..
М а р д ь а а һ а й мас кэнниттэн эмискэ тахсан, Лоокуукка ынан кэлэр.
Мардьааһай
Көрөбүн,
Үчүгэй буолан эрэҕин!
152
