Page 154 - Литература 7 кылаас 2 чааhа
P. 154
Мардьааһай
Суох, сымыйа, эн мэһэйдэһэҕин,
Эн мин олоҕум суолугар туора тураҕын.
Эн суоҕуҥ буоллар кини
Миигин таптыа этэ.
Эн уурай, Ньургуһуну иирдимэ.
Эн киниэхэ тугуҥ тэҥий?
Дьадаҥы кэрэдэк,
Баҕа, чоху булчута.
Ханна баарый, эн баайыҥ-дуолуҥ,
Ханна баарый, эн сүөһүҥ-аһыҥ?
Ханнааҕы дьиэҕэр кинини олордуоҥуй?
Хараҥа хотон иһигэр ньургуһун үүммүтүн
Хаһан, ханна көрбүккүнүй?
Мин — баайбын,
Мин — кинээс уолабын.
Баай-дуол кыайбатаҕа баар дуо?
Ньургуһун — миэнэ!
(Уоруттан сүр түргэнник барар, Лоокуут соһуйан хаалар.)
Быыс
3-с ХАРТЫЫНА
К ы р г ы т т а р, у о л а т т а р биир төрүттэн үүммүт икки хатыҥы
«бу курдук», «итиннигэр бэрт буолар», «бу томторуктары манан», «бу
үрүөлэри манан» дэһэ-дэһэ симииллэр, киэргэтэллэр. Ыллыы-ыллыы
сырыттахтарына, хобо тыаһа холургуур.
Мөлчөс
Мардьааһай иһэр быһыылаах,
Хобо тыаһыыр.
Мардьааһай
(хоболоох дэйбиир тутуурдаах кэлэн).
Бу тугуй?
Бу хатыҥнары
Тоҕо киэргэттигит,
Кимиэхэ анаан?
154
