Page 157 - Литература 7 кылаас 2 чааhа
P. 157
Нуннуур
Мөлчөс, эн, туой, оҕолор ортолоругар
Киһиэхэ сыстаҥныы сатыыгын.
Мөлчөс
Биири эрэ эт:
Барыта уруккутун курдук дуо?..
Нуннуур
(төбөтүн тоҥхох гыннарар.
Мөлчөс эмискэ уураан ылан баран, сүүрэн хаалар).
Мин даҕаны таптыыр,
Мин даҕаны киһи буолар
Кэрэ кэмим кэлэн эрэр…
Бэрт да буолсу… бэрт…
(Ханнык эрэ матыыбы ыллыыр.)
Бээ, мин чугас соҕус сытан
Истиэм хайдах кэпсэтэллэрин,
Көрүөм хайдах уураһалларын.
Барар. Сцена балай да иччитэх турар, айылҕа суугунуур,
тэһитэ-ойута чыычаахтар ыллыыллар.
Лоокуут
(кэлэн).
Көр даа, хатыҥнарбытын ким симээбитэй?
Ньургуһун буолуо.
Нуннуур саҥата
Биһиги… биһиги симээбиппит.
Лоокуут
Бэй, ким саҥарарый?
Суох, ким да суох.
Үөрүүбүттэн
От-мас, сир ийэ
Миигин кытта кэпсэтэр курдук.
157
