Page 158 - Литература 7 кылаас 2 чааhа

Тугун бэрдэй!
Тугун кэрэтэй!..
Бары барыта тиллибитэ,
Дьэргэйбитэ!
Хайдах урут
Көрбөтөхпүнүй?
Бу хатыҥнар
Маннык үчүгэйдэрин?
Хайдах урут өйдөөбөтөхпүнүй,
Мин алааһым, мин тыам
Маннык кэрэтин, үчүгэйин?..
Тула өттүм тула —
Миигин эҕэрдэлээбит курдук!
Ыллыыр чыычаах — мин дьолбун
Ыллыыр курдук.
Устар сүүрүк — мин олохпун
Уруйдуур курдук!
Киһи көнөрө,
Киһи дьоло-үөрүүтэ диэн
Түргэн уонна күүстээх даҕаны.
Дьол итинник түргэнник
Сорунан солбуллара дуу?
Суох, куһаҕаны санаамыахха.
Мин дьолум, мин үөрүүм
Миигиттэн тэйиэ суоҕа.
Киһи буолан эрдэҕим дии,
Кэрэ даҕаны буолсу.

Ойуур быыһыттан кыыл таба сирэйэ көстө түһээт, мэлис гынар.
Л о о к у у т саатын ылаат, табаны кэнниттэн даҕаһар.

Ньургуһун

Ымыыкалыыр чыычааҕым
Ылбай чараас кынатын
Уларсаахтаан ыламмын
Унаар күөххэ көттөрбүн.
Күндү солко былааппын
Көлбүүрдэнэн бараммын,
Күндүкэлиир доҕорбун

158