Page 163 - Литература 7 кылаас 2 чааhа

Ньургуһун
Суох, андаҕайыма,
Эйигин мин итэҕэйэбин.
Хата, көр эрэ,
Хатыҥнарбыт хайдах симэммиттэрий?

Лоокуут
Көрөбүн, олус бэртэр,
Ньургуһуон,
Хатыҥнарбыт аттыгар —
Хаһан кыра хатыҥнар үүнүөхтэрэй?

Ньургуһун
Мин ону хайдах билиэмий?
Ээ, Лоокуут, өйдөөтүм
Эн тугу эппиккин…
Үүнүөхтэрэ…
Ол эрээри мин
Иккиттэн ордук үүнэригэр баҕарбаппын.

Лоокуут
Оннук дуо?..
Дьолбутун тоҕо уһатабыт,
Билиэх тапталлара диэн тугун,
Билиэх олох диэн тугун.
Холбоһуох, Ньургуһуон,
Ыал буолуох!
Мин билигин тиийэн
Аҕабын эн дьоҥҥор ыытыым,
Сөп дуо?
Ыл, «сөп» диэ!

(Ньургуһун төбөтүн тоҥхох гыннарар. Ойуур чыычаахтара «чуп-чап»
оргуйа, айылҕа тиллэн суугунуу түһэр.)

Бу чыычаахтар,
Уураһар уос-тиис тыаһынан
«Чуп-чап» саҥарсалларын!
Лабааларга сэбирдэхтэр, —

163