Page 159 - Литература 7 кылаас 2 чааhа

Көһүтээхтээн турдарбын.
Үрүҥ үктүүр дьиэкэҕэ
Үрүмэччи буолларбын,
Хараҥалыыр дьиэкэҕэ
Хараҥаччы буолларбын!..
Бу хатыҥнары ким киэргэппитэй?
Ээ, дьүөгэлэрим киэргэттэхтэрэ.
Лоокуут кэлэ илик дуу?

(Хатыҥҥа ыттар.)
Л о о к у у т кэлэр, Ньургуһун илдьэ тахсыбыт сибэккитинэн быраҕар.

Лоокуут
Оо, Ньургуһун,
Түс даа,
Көстөр күөх халлааным
Күндү көмүс чыычааҕа.

(Ньургуһун түһэригэр көмөлөһөр. Сиргэ ыстаныытыгар түбэһин-
нэрэн ууруур.)

Лоокуут
Ити мин буолбатах,
Эн бэйэҥ.

Ньургуһун
Мэнигийээн оҕолор!..

Лоокуут
Өр буолла дуо, кэлбитиҥ,
Төһө өр күүттүҥ?

Ньургуһун
Субу кэлбитим,
Бүгүн мин уруттаатым,
Эн хойутаатыҥ.

Лоокуут
Оннук буолбатах, —
Мин урут кэлбитим.

159