Page 162 - Литература 7 кылаас 2 чааhа
P. 162
Ньургуһун
Билигин үчүгэйим, эдэрим иһин
Миигин таптыырыҥ,
Хайа, үйэтэ кылгас буолаарай?
Кыыс оҕо кырааската сууйуллара,
Кырдьара чугас дииллэр…
Оччоҕо бу тапталбытын умнуһан,
Кынчарыһан көрсүһэр,
Кыҥый-хаҥый саҥарсар,
Күммүт тиийэн кэлээрэй?!
Лоокуут
Суох, Ньургуһуон!
Эн биһикки тапталбыт
Хаһан да сойуо суоҕа.
Кыыс нарын бэйэҕин
Кырытыннарбыт,
Холоонноох доҕорбун мин
Хоргутуннарыам дуу, ама?
Эдэр бэйэбит эстэн,
Эрэһэлээх сүүстэнэн,
Эмэҕирбиппит да иһин
Эйэбит кырдьыа суоҕа.
Хоруоҥка тииспит
Хооймут иһигэр
Хочугуруу тохтубутун да иһин
Хоргутуһуохпут суоҕа.
Эн биһикки
Ийэ, аҕа күүһүлээһининэн буолбакка,
Үп-ас сүүйүүтүнэн буолбакка,
Сүрэх сөбүлэһиитинэн,
Санаа таптаһыытынан
Бэйэбитин булустубут буолбаат?!
Инникитин мин тапталбын
Итэҕэйбэт буоллаххына, —
Андаҕайабын…
162
