Page 167 - Литература 7 кылаас 2 чааhа
P. 167
Нараҕан
(киирэр).
Дорооболоруҥ, чугас ыалым,
Кытта кырдьыбыттарым,
Үтүө үөлээннээхтэрим!
Далбардаах Баһыкка
Дорообо!
Далбардаах
Олорон кэпсиэ, Нараҕан!
Хайдах туох олороҕут?
Нараҕан
Олоробут үчүгэйдик.
Киһи киһиэхэ кэпсиир солуна суох.
(Тохтоон олорбохтуур.)
Оҕом Лоокуут саҥа дьиэ туттуон баҕарар.
Доҕотторун кытта мас таҥастыы сылдьар.
Мин эһигини кытта
Биир суолу кэпсэтэ кэллим.
Сааһылаан наар-наар
Сатаан саҥарааччым суох.
Туох наадалаахпын
Туруору, тута этэр идэлээхпин.
Дьэ эн, Баһыкка оҕонньор, —
Ньургуһун аҕата,
Дьэ эн, Далбардаах эмээхсин, —
Ньургуһун ийэтэ…
(Көхсүн этитэр, күөмэйин оҥостор.)
Ыкса ыалларым, чугас дьоннорум,
Бииргэ үөскээбит мин үөлээннээхтэрим,
Мин бу кэлэн турабын… оҕом Лоокуут ыытта.
Мин сатаан эппэппин…
(Эмиэ көхсүн этитэр.)
167
