Page 169 - Литература 7 кылаас 2 чааhа
P. 169
(Тохтуур.)
Далбардаах
Нараҕаан, хойутаабыккыт,
Кэпсэтэн кэбиһэн олоробут.
(Ньургуһун ыллыы-ыллыы иһэрэ иһиллэр.)
Оҕом иһээхтиир.
(Чочумча буолан баран, кыыс ыллыыр.)
Нараҕан
Лоокуутум күүтэн эрдэҕэ…
Туох диэн оҕобор тиийэбин.
(Баһыккалаахха.)
Мин алҕаһаабат буоллахпына,
Эһиги оҕоҕут мин оҕобун эмиэ таптыыр эбээт.
Оҕоҕут сүрэҕин, кини кэскилин
Үпкэ, үрдүк аакка атыылаан эрдэххит дии.
Аргыый аҕай аан диэки барар. Ааҥҥа Н ь у р г у һ у н көрсө киирэр.
Сүгүрүс гынан Нараҕаҥҥа дорообо биэрэр. Н а р а ҕ а н оргууй тахсан
барар. Ньургуһун дьиибэргээбиттии көрөн хаалар. Кыллаах ыаҕайата
төлө түһэн төкүнүйэр.
Баһыкка
(кыллаах ыаҕайаны сиртэн ылар).
Тоойуом, Ньургуһунуом,
Бу бэйэҥ тиктиҥ дуу?
Ньургуһун
Бэйэм, аҕаа!
Баһыкка
Ойуулаан-оһуордаан
Оҕом тикпитэ үчүгэйин.
(Төбөтүттэн имэрийэр.)
Биэбэйим улаатан
Бүтүн дьахтар буолан эрэҕин.
169
