Page 174 - Литература 7 кылаас 2 чааhа

Тулаайах туруйа курдук
Чоҥкунуу туойуом буоллаҕа…
Күүстээх абам
Көй салгын устун
Көтөн тиийэн Ньургуу кэрэ —
Ньургуһун доҕорбор
Иэйэр хомус буолан
Этэ дьүрүһүйүөҥ аны дуо?!
Атын киһи —
Анала буолан,
Туспа киһи —
Доҕоро буолан,
Аны мин киниттэн букатын
Араҕыстаҕым дуу?!
Күнүскү күнүм сардаҥата,
Түүҥҥү айыым толоно,
Ньургуу кэрэ — Ньургуһун доҕорум!
Дьолбутун тохпут
Дьоҥҥуттан арахсан,
Күрээн кэлэн миэхэ
Көстөр да буолбаккын… —
Оо, кэл даа кэл,
Кэрэ доҕорум!
Оо, көһүн даа көһүн,
Күнүм оҕото!

Аллара өрүскэ түүҥҥү куоҕастар улуйаллар. Хараҥа. Умса түһэн
сытар Лоокууту былыт быыһынан тыкпыт ый уота сырдатар. Тыал
таастарга иһиирэрэ, өрүс долгунун тыаһа, чаҕылҕаннаах этиҥ саал-
лыыта — ити барыта айылҕа Лоокууту аһынан силбиэтиирин курдук
буолар. Онтон Мөлчөс, Лоокууту хаһыытаан ыҥыра-ыҥыра, иһэр са-

ҥата иһиллэр. Лоокуут соһуйан өндөйө биэрэр.

Мөлчөс

(оргууй аҕай кэлэр).

Лоокуут!..

Лоокуут

Мөлчөс… эн?!

174