Page 176 - Литература 7 кылаас 2 чааhа
P. 176
Хаппаҕын киэҥник аһыахха, —
Оҕом эрэйдээх көрдүн,
Оонньообут-көрүлээбит сирин,
Доҕотторунуун манна
Дайбыт-көппүт сирэ.
Тоҕус оҕоттон ордон хаалбыт
Тобох соҕотохпутун,
Айыы тойон таҥара,
Аһыммакка ыллаҕыҥ.
Сүрэхпит кураанахтаннаҕа,
Дьолбут быһыннаҕа.
Маны көрөөрүбүн
Ииннэммэтэх эбиппин…
Оҕуум, оҕом, көмүһүм,
Көмүс сымыытым!..
Аны эйигиттэн хаалан
Тугу гыныамый?!
Хомотуон иһин сэгэртэйим
Уларыйбат буоллаҕа,
Өссө тупсубут, киэркэйбит курдук,
Этэ-сиинэ саатар көһүйбэт буоллаҕа.
Оҕом, көмүс сымыытым…
Нараҕан
Далбардаах эмээхсин,
Ытаама, кыана сатаан көр!
Харах уута кини сырдык дууһатыгар
Ыарык-баттык буолуоҕа.
Хаһан да хайыахпытый,
Халты харбаатахпыт,
Дьоло суохтар
Туура туттахпыт.
Далбардаах
Эн оҕоҥ Лоокуут тоҕо суоҕуй?
Ама да хоргуппутун иһин,
Саатар көрсөн хаалыа эбит дии.
176
