Page 173 - Литература 7 кылаас 2 чааhа
P. 173
Тыыннаах тыл
Сахалар тапталга уонна ыал буолууга сыһыаннаах төрүт
үгэстэрин көрдөрөр устуруокалары булан ааҕыҥ, ол туһунан
бэйэҕит тугу билэргитин кэпсэтиһиҥ.
АЙАР, АЙЫМНЬЫЛААХ ҮЛЭ
Кылааска хатыҥы симээһин түгэнин оруолунан үллэстэн
оонньоон көрдөрүҥ.
ҮҺҮС ТӨГҮЛЭ
5-с ХАРТЫЫНА
Түүн. Бүлүү өрүһүн тааһа. Л о о к у у т батыйатын таҥнары тайахта-
нан олорор. Этиҥ этэр, чаҕылҕан күлүмнүүр.
Лоокуут
Санаа бөҕө баттаабыт
Саппахтаах кэмигэр,
Сор-муҥ бөҕө сонордоһор
Сордоох кэмигэр
Айылҕа даҕаны киһини
Атыннык көрсөр эбит,
Сир-дойду даҕаны
Сигилитэ тиэрэ буолар эбит.
Умайар сүрэхпин манна
Устар сүүрүк уйгуурунан
Уоскутуо суохпун,
Сарадах тааска эриллэр тыал
Саамал кымыс курдук
Сайа көтүө суох.
Халтаҥ тааска соҕотоҕун
Хара күлүкпүнүүн,
Күн тахсыыта-киириитэ,
Күөх туман түһүүтэ-көтүүтэ
173
