Page 180 - Литература 7 кылаас 2 чааhа

Араҥас иккис кулугутун устан истэҕинэ, тыа барчаланар, икки ха-
рах уота хараҥа ойууртан сандаарар.

Бөрө улуйар.
Бөрө харахтара сүтэр. Түнэ сонноох киһи дөйбүт курдук турар.
Кэлтэгэй ый сүтэн хаалар, хараҥа. Түнэ сонноох киһи эмискэччи ара-
ҥаска турар хоруопка иэдэһинэн өйөнө түһэн, сирэйинэн сууралыыр,
онтон умса туттан нук курдук буолан турар.
Хараҥа өссө ыаһырар.
Түнэ сонноох к и һ и эмискэ көнө түһээт, бокуойа суох араҥаска
турар хоруобу көтөҕөн ылан, сэрэхтээхтик сиргэ уурар. Хоруоп хап-
паҕын сүгэ биитинэн олуйан сэгэҥнэтэр. Онтон оргууй аҕай хоруоп
хаппаҕын аһар.
Тииттэр төбөлөрүнэн сырдык ый көстөр.
Эмискэччи бөрө улуйар. Түнэ сонноох к и һ и эргиллэн иһиллиир,
одуулаһар.
Хоруоп иһиттэн к и һ и илиитэ тахсан салгыҥҥа адаарыҥныыр,
кэннинэн олорор киһини тардар. Хоруоп иһиттэн хоһооно суох «кыы-
кыр» гынар саҥа иһиллэр. Түнэ сонноох к и һ и соһуйан хаһыытыы
түһээт, ыстанан хаалар.
Ый былыкка киирэр. Хараҥа.
Хоруоп хамсаан кэлэр. Онтон үҥкүрүс гынар.
Хоруоп иһиттэн д ь а х т а р тахсан тураары гынар да кыайбат,
онтон түөрт атах буолан сыылан көрөр да, кыаммакка илиилэринэн
кэдирги чиэстэнэр. Ыһыллыбыт баттаҕын быыһынан харахтара иччитэ
суоҕунан сүүрэлээн, килбэчийэн көстөллөр. Бабыгырыах дуу, күллэ-
рэстиэх дуу курдук ыһыытаталыыр. Өрө чарбачыһар.

Ньургуһун

(түһүү сытан уһуктубут киһилии).

Тугуй-тугуй?
Ханна, ханна баарбыный?!
Түүл дуу, илэ дуу?!

(Эргиччи көрүнэн баран, туохха түбэспитин өйдөөн.)

Оо, сорбун нии!
Оо, эрэйбин нии!

(Умса түһэн сытан ытыыр, бабыгырыыр. Ол сыттаҕына сүгэһэрдээх,
тайахтаах Күһэҥэй оҕонньор ааһан иһэн араҥас таһыгар кэлэн
тохтуур, дьиибэргиир.)

Күһэҥэй

Бу туох күөрэтэй-лаҥкытай?

180