Page 149 - Литература 7 кылаас 2 чааhа

Лоокуут
(кэлэр).

Аҕаа, түөрт тиити охторон таҥастаатыбыт,
Доҕотторум киэһэ эмиэ кэлиэх буоллулар.

Нараҕан
Аһыыр кэм буоллаҕа буолуо,
Аһыы барыахха дуу?

Лоокуут
Эн бар, аҕаа.
Мин… мин өтөр тиийиэм…
Ийэм тордуйаҕа чаайда сойуттун,
Дэлби утаттым, тиийэн иһиэм.

(Нараҕан барар. Лоокуут суорар. Бүтэрэр. Дүлүҥүн үрдүгэр олорор.)

Күһэҥэй оҕонньор
Өтөр манан төннөн ааһыам,
Кэлэрбэр ыал буолаар диэбитэ.
Саҥа дьиэҕэ олорор үчүгэй да буолуо…
Кэргэннээх буол!..
Көтөҕөн-сүгэн, бултаан кэлэргэр,
Үрүҥ ырбаахылаах
Үрүмэччи доҕоруҥ
Күүлэтигэр тахсан,
Көһүтэн турар буоллун!..

Ыраахтан ыллыы-ыллыы күөх чэчир быыһыттан Н ь у р г у һ у н былтас
гына түһэр, кини Лоокууту көрөн, ырыатын ууратан кэбиһэр.

Лоокуут
Ньургуһуон,
Тоҕо ырыаҕын уураттыҥ?
Эн биһикки улаатан истэхпит аайы
Улам тэйсэн иһэр курдукпут…
Өйдүүгүн дуо,
Оҕо эрдэххэ хайдах оонньуурбутун,
Оһох буора ылбыт омуһахха

149