Page 144 - Литература 7 кылаас 2 чааhа
P. 144
Сэрбэкэ
Ким иһэр диигит?
Мөлчөс
Ньургуһун.
Мардьааһай
Оҕуруос ырыаҕа киирбит кыыһа, —
Оо, Ньургуһун!
Үтүө дьүһүнэ
Үрүҥ күҥҥэ тэҥнэспит,
Кэрэ бэйэтэ
Кэпсэлгэ киирбит,
Аартык аайы
Алаҕар харахтааҕынан аатырбыт,
Суол аайы
Сырдык ньуурдааҕынан сураҕырбыт,
Оо, Ньургуһун!..
Киниттэн атыҥҥа, аҕаа,
Кимиэхэ мин тыл көтөҕүөмүй?
(Аҕатыгар сүгүрүс гынар.)
Мөлчөс
Мардьааһай Ньургуһуҥҥа сананар.
Хараҥачай буолла —
Харбыалаһыы буолла…
Нэтээги күөрэгэйи ойох ылаары
Тииспитин туһунан
Дьикти остуоруйаны билэбин.
Оҕонньордоох эмээхсин
Олорбуттарын туһунан,
Ол кинилэр
Аччыгый уоллара
Акаарытын туһунан
Остуоруйаны эмиэ билэбин.
144
