Page 148 - Литература 7 кылаас 2 чааhа
P. 148
Оҕом Туутук эрэйдээҕи
Сөбүлээбэт киһитигэр,
Иэскэ киирэн, үпкэ-аска ымсыыран,
Күүспүнэн биэрбитим,
Эрдэ араҥастаабытым…
Үп-ас, баай диэн —
Көмүөл күүгэнэ буоллаҕа.
Сытыы-хотуу, булчут-алчыт,
Сытыары-сымнаҕас киһиэхэ,
Сүрэҕинэн сөбүлээн туран
Ньургуһун холбостор…
Баһыкка
Тугу-тугу эрдэриҥ буолла?!
Хата хойутаатым,
Атаҕым дэлби ыарыйда.
Тиийбит киһи сынньаныа этэ…
(Барар.)
Нараҕан
Баайдар диэн…
Туохха туолуох харахтаах дьонуй?
Баһыкка оҕонньор
Оҕотун Ньургуһуну атыылаан,
Баайыгар баай эбинээри
Кыыла тура сылдьар.
Биһиги этэрбитин өйдөөбөттөр,
Биһиги кинилэри өйдөөбөппүт.
Ити былыр бииргэ үөскээбитин санаан
Итиччэ хата кэпсэтэр.
Тэҥнээх киһиэхэ дылы оҕом, Лоокуут,
Ньургуһун дии-дии, өлөөрү гынар.
Сибэккиттэн кэрэхсиирэ — ньургуһун,
Ааттан кэрэ диирэ — Ньургуһун.
(Суорар. Уолаттар күлсэллэрэ иһиллэр.)
148
