Page 186 - Литература 7 кылаас 2 чааhа
P. 186
Киһибит быһыыта итинник,
Бэйэҕит көрдүгүт,
Эһигини кытта тыыннаах сатаан олоруо суох,
Хоргуппуккут иһин хайыаххытый,
Таптал күүһүгэр бас бэринэргэ тиийэбит.
М а р д ь а а һ а й С э р б э к э л и и н тыастаахтык эргиллэн бараллар,
хобо тыаһа холургуур.
Ньургуһун
Оо, аны истибэтэх киһи ити хобо тыаһын!
Лоокуут
Ити хобо тыаһа сүтэрин курдук,
Эн биһикки бары эрэйбит сүттэ,
Эн биһиккиэхэ бүгүн күн тыкта буолбаат!!!
(Баһыккалаахха.)
Эһиги холбоһорбутун сөбүлүүгүт,
Ньургуһуну миэхэ биэрэҕит буолбат дуо?
Баһыкка
Сөбүлүүбүт. Олоруҥ, дьон буолуҥ!
Дьолло тардыһыҥ!..
Далбардаах
Сөбүлүүбүт. Ылыҥ уураһыҥ!
Лоокууттаах Ньургуһун уураһаллар. К ү һ э ҥ э й о ҕ о н н ь о р,
у о л а т т а р, к ы р г ы т т а р кэлэллэр.
Күһэҥэй
Битим тардыбытынан билгэлээтэхпинэ,
Бэрт үчүгэй майгы-сигили
Баар буолуохтаах этэ манна.
Көр, бу дьон быһыыта!
Хайы-һах ити курдук буолуохха баар этэ.
Уолаттар, кыргыттар
Лоокуут уонна Ньургуһун!
Оо, үөрүү… уруй!
186
