Page 62 - Литература 7 кылаас 2 чааhа

Кырдьыга, кинилэр дьон түһүөх да кустары түһэрбэккэ ай-
даараллара. Тиргэлэрин уһун күн уонна, кылгас күн биэстэ кэ-
рийэллэрин, Дьахтар Алааһын тыымпытын уутун кустарга ил-
лэҥнээбэттэрин бэйэлэрин буруйдарынан ааҕыммат этилэр.
Кинилэргэ көрөн турдахтарына тиргэҕэ кэлэн биэрбэккэ, ку-
руутун кустар бэйэлэрэ буруйдаах курдук буолаллара.

Даайыс кыыс, сарсыарда эрдэ туран, ийэтигэр ынах этэрэн
биэрэр этэ. Арай ол сылдьан иһиттэҕинэ, Дьахтар Алааһын диэ-
ки хас сарсыарда аайы кустар аһаан чалыгыратар тыастара,
араастаан саҥарсан чаачыгырыыллара сүрдээх буолара. Даа-
йыс буоллаҕына, ону истэ-истэ, үс мастаах тоһоҕо бүтэй үрдү-
гэр ыттан туран, тиргэбэр кус иҥнибитэ буолаарай диэн, айаҕын
аллаччы атан баран, хантайа-хантайа, өндөйө-өндөйө көрөрө.

Ийэтэ Хобороос, Салбырҕас Саадьаҕайы ыы олорон, ха-
һыытаан бытарытара:

— Хотуой!!! Торбоскун тарт! Көр, ынаҕын быһа эмнэр-
дэ-э-э! Туох буолуох баҕайытын көрөн хааллаҕай. Хаһан эһиги
дьон ииппит тиргэҕитигэр кус иҥниэҕэй, сымыйанан...

Даайыс, ийэтин хаһыытыттан ходьос гына түһээт, бүтэй
үрдүттэн соҕотохто сиргэ ыстанара. Сүүрэн битигирээн кэ-
лэн, үрүҥ нуоҕайдаах төбөлөөх, кутуругун сыыһын сүр үчүгэй-
дик тойтороҥното-тойтороҥното күүгэннээҕинэн ийэтин эмэн
бардырҕата турар торбоһун быатын төбөтүттэн ылаат, ийэтин
сыҥааҕын аннынааҕы күрүө аллараа маһыгар сыһан чыраах-
таһан илдьэн баайан кэбиһэрэ.

Торбос эрэйдээх, ийэтин үүтүн төһө да минньигэһиргээн
эмпитин иһин, ону боруостатара. Хаһыыттан тэбиэһирбит Даа-
йыс эмискэ баҕайы тэбинэ-тэбинэ моонньуттан тардыалаан,
сыһан аҕалан баайбытыттан, икки дьабадьытынан үрүҥ күүгэн
тохто-тохто, сөтөллөн бараахтыыра. Онон аһаабытын амтана
да биллибэт этэ. Кырдьыга, онно Даайыс ийэтэ Хобороос бу-
руйдаах. Торбоһун моонньуттан быалаабакка эрэ сылгылыы
бас быалыыра буоллар, хас баайдах аайы моонньун быһыта
тыыттарыа уонна сөтөллүө да суох этэ.

Биир күн Даайыс сарсыарда ынахха турбатаҕа. Киэһэттэн
үлэх этэ. Даайыс, Ааныс уонна Уйбааҥка буоланнар, киэһэ уту-
йаары сытан, ийэлэриттэн Хобороостон көҥүллэппиттэрэ: сар-

62