Page 65 - Литература 7 кылаас 2 чааhа

куспутун таһааран биэриэхпит. Ийэм эрэ сиэҕэ, ыалдьар киһиэхэ
дьукааҕар Наһаарга бэрсэр дуу, суох дуу, бэйэтэ билиэ.

— Сөп-сөп, ийэбитигэр буолумуна, — дэспиттэрэ оҕолор.
— Даайыас! Аҕал-аҕал кускун, мин тутуум, — диэн, икки
илиитин сараппытынан аҕаһын диэки ууна-ууна, Уйбааҥка
көрдөспүтэ. Оттон Ааныс буоллаҕына Уйбааҥканы ойоҕолуу
көтөн, тоҥолоҕунан ойоҕоско садьыйа-садьыйа, албыннаспыт
киһи быһыытынан:
— Даайыс, эдьиийим, миэхэ биэриэ. Аҕал-аҕал миэхэ, бу
уол сатаан тутуо суоҕа.
— Суох, суох, бу кыыска биэримэ! Миэхэ-миэхэ аҕал, мин
тутуум, — диэбитэ, миэхэ биэримээри гынна ээ, быһыыта, дии
санаат, ыксаабыт киһи быһыытынан Уйбааҥка.
— Мэ, улахан киһи Ааныс туттун! Эн сатаан тутуоҥ суоҕа.
Дьоммутугар көрдөрө дьиэбитигэр тыыннаахтыы илдьиэхпит.
Бэйи, антах бар! — дии-дии, Даайыс Уйбааҥканы аһара ту-
тан ууна-ууна, бэркэ сэрэммит киһи быһыытынан, куһун Ааныс
илиитигэр туттарбыта уонна бэйэтэ, эргиллэн, тиргэтин иитэ
турбута. Ааныс, улахан буолан куһу туппут киһи, туох да тэҥэ
суох оҕо буола түспүтэ. Итэҕэлэ кыччаабыт Уйбааҥка эрэй-
дээх, мэлийэн хаалан баран, Ааныһы тула көтө сылдьыбыта.
Ааныс, «тугун үчүгэйэй барахсан» диэбиттии, куһун аҥаар
илиитинэн кутуругун төрдүттэн бобо тутан баран, ууга олордон
көрбүтэ. Онуоха куһа буоллаҕына, атаҕын саратан, харбаары
тарыпынайбыта. Дьэ ону Ааныс көрүөн үчүгэйэ сүрдээх этэ,
ол иһин, бэйи эрэ, кыра соҕустук ууга олордон, көҥүл ыытан
уһуннаран көрүөххэ эрэ дии санаан, куһун ууга олордон баран,
ыытан кэбиспитэ уонна бэйэтэ көрөн турбута.
Куһа кыра соҕустук устан иһэн, тула холоруктуу түһээт, соҕо-
тохто өрө көтөн тахсыбыта. Маатыргыы-маатыргыы, Дьахтар Алаа-
һын илин өттүгэр биир кыҥырай тыаны быһа түстэххэ баар Тимир
Умаппыт диэн эмиэ тыымпы баарыгар, ол диэки көтө турбута.
Тиргэҕэ дабыдалыттан иҥнибит көҕөн сордоох мөхсүүтүт-
тэн көһүйбүтэ чахчы. Онон туохха да таарыйтарбакка сылдьан
көтөн куһугуратарын курдук буолуо дуо?.. Мөлбөрөҥ соҕустук
көтөн бара турбута.
Ааныс, боруобалыыбын диэн, соҕотохто ытыһа кытаран

65