Page 68 - Литература 7 кылаас 2 чааhа

кыт куотта, доҕоор? — диэн Бүөтүкээс, соһуйбут киһи быһыы-
тынан, ыйыппыта.

— Даайыс, Ааныс уонна мин буолан эһэбит Болодьумаар
оҕонньор түөрт тиргэни оҥорон аҕалан биэрбитин алааспыт
арҕаа кытыытыгар ииппиппит. Ииппиппит, арааһа, биэс-алта
хонно, ол тухары биир да кус иҥнэ илик этэ. Онтон кыһыйан,
бу сарсыарда эрдэ туран тиргэбитин уларытан бу диэки аҕалан
иитиэх буолан киирбиппит. Арай онтукабыт биир атыыр көҕөн
биир тиргэҕэ хаҥас дабыдалыттан иҥнэн баран мөхсө сыл-
дьар эбит. Ону Даайыс киирэн туһаҕыттан арааран ылан баран,
куһун өлөрбөккө эрэ, тыыннаахтыы Ааныска туттара биэрбитэ.
Ону Ааныс, ууга уһуннара оонньуу сылдьан, ыытан кэбиспитэ,
куһа көрүөх бэтэрээ өттүнэ өрө көтөн таҕыста да, бу диэки
көтөн кэлэ турбута. Мин тутуум диэбиппин Даайыс миэхэ тут-
тарбатаҕа. Ааныска туттарбыта уонна бэйэтэ тиргэтин хат иитэ
турбута, — диэн Уйбааҥка кэпсээбитэ.

— Доҕоттор! Бу хата моһуок дьыала буолаарай?! Хайдах
оччо бултаан баран, эһиги дьон мүччү туттугут? Хаһан да тү-
бэспэтэх булкутугар түбэһэн баран сыыһа туппуккут дии? От-
тон Даайыстар, Ааныстар ханна хааллылар? Эбэтэр эр киһи,
уол оҕо бэрдэ эн урут устугастаатыҥ дуу? — диэн Бүөтүкээс,
хамсатын оборон сообурҕата-сообурҕата, хардары ыйыппыта.

— Кинилэр дуо?.. Онно тиргэлэрин аттыгар хаалбыттара.
Даайыс Ааныһы кыыһыран бадарааҥҥа тиэрэ анньан түһэрдэ
уонна иккиэн ытаһа хаалбыттара, — диэн Уйбааҥка омуннаах
соҕустук мэҥилэстээн эппиэттээбитэ.

— Мин бу ууга, баҕар, кус баара буолаарай диэн кэлэн
көрө турдахпына, арай арҕаа диэкиттэн биир атыыр көҕөн алла-
ранан баҕайы көтөн, миигин төбөм сиигинэн иһэр эбит. Туһаа-
йарын кытта күөрэппитим, көҕөнүм, өлүү болдьохтоох, тиэрэ
таһылла түстэ. Онтукам, итинэн буоллаҕына, эһиги куоттарбыт
көҕөҥҥүт эбит дии?! Бэйи эрэ, көрүөххэ, дабыдалыгар туһах
быһа киирбит суола баар дуо? Сорох өссө түүтүн-өҥүн өйдөөн
көрбөккө да олорор ээ, — диэн баран, Бүөтүкээс көҕөнүн да-
быдалын түүтүн үрэ-үрэ көрбүтэ, кырдьык, туһах быһа киирбит
суола баар буолан биэрдэ.

— Оо! Кырдьык даҕаны, бу-бу, түүтүн быһа киирбит дии.
Өссө кытарбыт буолбат дуо? — дии-дии, Уйбааҥка, куһа көс-

68