Page 69 - Литература 7 кылаас 2 чааhа

төөрү гыммыт киһи быһыытынан, түргэн-түргэнник быһаарбах-
таабыта.

— Дьэ, кырдьык, туһах быһа киирбит суола баар. Кырдьык
эһиэнэ буолаары гынна. Эр бэрдэ, ол иһин эн сүгүн хаалыаҥ
дуо?! Маладьыас! Дьэ сүр киһигин, доҕор! — диэн баран Бүө-
түкээс Уйбааҥканы төбөтүттэн имэрийбитэ. Уйбааҥка буол-
лаҕына, куһа көстөн уонна хайҕаппыт киһи буолан, сүрдээхтик
эҕэ-дьаҕа буола түспүтэ. Бүөтүкээс туран саатын ылан сүгэн
кэбиспитэ, сыгынах үрдүгэр уурбут кулун тыһа үтүлүгүн ылан
кэтэ-кэтэ, эппитэ:

— Чэ эрэ, тоойуом, кускун ыл, оҕолорго барыах, бука, ол дьон
хомойон буорайдахтара буолуо, тиийэн үөрдэ охсуохха, — диэт,
Бүөтүкээс арҕаа диэки бастаан баран, хаампытынан барбыта.

— Чэ, барыахха-барыахха!.. Дьэ оҕолор үөрэллэрэ да
үөрэллэрэ буолуо!.. Арааһата, сымыйаргыахтара, кырдьыкта-
ныахтара суоҕа. Оннук буолбат дуо, Бүөтүкээс? — дии-дии,
Уйбааҥка, көҕөнүн моонньуттан ыга тута сылдьан, Бүөтүкээһи
ситэн кэлэ-кэлэ, иннигэр-кэннигэр түспэхтээтэ.

— Үөрэн бөҕө буоллаҕа дии. Эн да үөрдүҥ ини! — дии-дии,
Бүөтүкээс харбааһыннаах соҕустук хааман-сиимэн тыаны быһа
түһэн Дьахтар Алааһын илин саҕатыгар Уйбааҥкалыын киирэн
кэлбиттэрэ. Арай ол иһэн көрө түспүттэрэ: Даайыстаах Ааныс
иккиэн, утуу-субуу сэнньэлиһэн, утары иһэллэр эбит.

Уйбааҥка баартын тухары санаалара батарбатаҕа биллэн
турар суол... «Кини тоҕо эрэ өр буолла ээ... Куһун көрөн, ону
кэтэһэн турдаҕа дуу?.. Кырдьык даҕаны, баран көрөр суох»,
— дии санаан, Даайыс олорбут сириттэн ойон туран, алааһы
хаҥас өттүнэн төгүрүйэ, Уйбааҥка барбыт суолунан оргууй
устан испитэ. Оттон Ааныс эрэйдээх, төрүт даҕаны икки саа-
ры икки ардынан санаан, Даайыс барыах диэбэтэҕин үрдүнэн,
хаала түһэн баран, аргыый аҕайдык кини кэнниттэн эмиэ хаам-
пытынан баарта. Аҕаһын: «Барабыт дуо?» — диэн эҕэ-дьаҕа
буолан көҕүлээбит курдук ыйытыан буруйдаах. Оттон олох тур-
бут сиригэр өчөһөн туран хаалыан эмиэ да санаата батарбат,
баҕар, куспут көстөөрөй диэбиттии, батыспытынан баарта.

Дьэ итинэн тыа саҕатыгар көһүппэтэх өттүттэн уун-утары
көрсүһүү буола түспүтэ. Уйбааҥка, аҕастарын көрөн: «Оҕо-

69