Page 60 - Литература 7 кылаас 2 чааhа

Оҕо дьон олоҕо, кыһалҕата, үөрүүтэ

Саха литературата төрүттэниэҕиттэн суруйааччылар оҕоҕо
анаан уус-уран айымньы бары жанрыгар бииртэн биир кэрэх-
сэнэр айымньыны суруйбуттара. Оҕо олоҕор бастакы хардыы-
ларын, кини уйулҕатын, ис туругун суруйааччыларбыт таба
арыйарга дьулуспуттара.

Ол курдук Өксөкүлээх Өлөксөй «сэллэҥнээн, лэппэҥнээн
оскуола дьиэҕэ» үөрэнэ кэлбит Сэмэнчик уола, Алампа «Куо-
ратчытыгар» аҕаларын кэһиитин долгуйа күүтэр оҕолор, Ойуу-
нускай куйуурдуу турар уолчаана, Суорун Омоллоон ааҕарга,
суруйарга үөрэнэ сатыыр Ньукууһа, онтон да атыттар оҕо ай-
мах сөбүлээн ааҕар бастыҥ айымньыларынан буолбуттара.

АННА ДЕНИСОВНА НЕУСТРОЕВА
(1903—1947)

А.Д. Неустроева талааннаах оҕо су-
руйааччыта, тылбаасчыт уонна фоль-
клорист этэ. Идэтинэн учуутал. Уһуннук
«Хотугу сулус» сурунаалга үлэлээбитэ.
Кини саха бастакы үөрэхтээх дьахтал-
ларыттан биирдэстэрэ. Бэйэтэ ахта-
рынан, убайа, саха бастакы суруйаач-
чыта Николай Денисович Неустроев
көҕүлээн, дьонун тылыгар киллэрэн,
балтын үөрэттэрбит эбит. Бастакы кыл-
гас кэпсээннэрин өссө оскуолаҕа үөрэ-
нэ сылдьан «Ньургуһун» диэн оскуола
сурунаалыгар суруйбут. Анна Денисовна оҕолорго анаан кэп-
сээннэри суруйарын таһынан, нуучча уонна атын омук биллии-
лээх суруйааччыларын оҕолорго аналлаах айымньыларын са-
халыы тылбаастыыра. А.Д. Неустроева өссө норуот аатырбыт
ырыаһыттарын, олоҥхоһуттарын ырыаларын-тойуктарын хо-
муйан бэчээккэ таһаарар, бэлэмниир идэлээх эбит. Ол курдук
М.Т. Шараборин — Кумаарап «Уоттаах болот оонньуулаах Улуу

60