Page 55 - Литература 7 кылаас 2 чааhа
P. 55
Халлааҥҥа айманар хаастары
Халампаас тааһынан харахтыыр,
Далааннаах Чаҕылҕан сааһыты
Таһыччы умнаары гыммыппын.
Арбачыак даҕаны, аны дьэ,
Аҥаар да уостааҕын иннигэр,
Алыһын арбанар доруоптаах
Аркыыбы аһара сыспыппын.
Бай, бабат, бачахпын-татаппын,
Бараахтан кубаҕа диэритин
Барытын бардамнык кыргааччы
Байаарап кырдьаҕас баар эбит!
Кыракый сааһыттан ылата
Кыталык силиитэ эмсэхтээх,
Кыраҕы харахтаах бастыҥа
Кырысаан Силэпсиэп эмиэ баар.
Аччыгый сааһыттан аатырбыт,
Амтанын даҕаны булбатар,
Андынан, хааһынан аһаабыт,
Арамаан Бырыскаал, арба, баар.
Омуннаан-элбэтэн эттэххэ,
Отут биэс кубаны охторбут
Улахан, сүҥкэннээх булчуту
Оппуонньа доҕорбун умуннум.
Чаппаалап уулусса баһыгар
Чалбахха даҕаны сааланнар,
Чааппара тыһытын бараабыт
Табыгас Уйбааннаах эбиппин.
Лоокууту бэйэҕин — Дьуон оҕо,
Чуучургуур тумустаах быкпакка,
Тулуйбат-тэһийбэт кэмигэр,
Дулҕалаах тумуска кэтэһиэ.
Атаспар, эйиэхэ, аны дьэ,
Ааттаммыт атамаан сааһыттар
55
