Page 54 - Литература 7 кылаас 2 чааhа
P. 54
Солотуу көмүстээх куорсуннаах
Солколуу суугунуу көтүөҕэ.
Оччоҕо кус кэтээн хонооччу
Арыытын аайытын тарҕаныа, —
Чаанньыктаах кутаа уот кытыастан,
Талаҕын быыһынан сандаарыа.
Эҕэрдэ-бирибиэт ыытарбын
Илдьэҥҥин тириэрдэр манньаҕар
Эйиэхэ, кустартан кистээммин,
Этэммин сэрэтэн кэбиһиим.
Эһиги аймахха быйыл саас
Эстиилээх-быстыылаах дьыл буолуо:
Эрдэттэн тэринэн, кусчуттар
Элбэхтик кэтэһэр этилэр.
«Кимнээхтэр күүтэллэр?» — диэтэргин,
Кичэһэ барбакка эрэммин,
Айахпын минньитэ таарыйа,
Аһары бэртэрин ааттыым мин
Бастатан — маатыргыыр аймаҕын
Барыырга ананан төрөөбүт,
Быраҕар ыраахчыт саалардаах
Былатыан — мин улуу убайым,
Иккиһэ — буурҕаҕа даҕаны
Моһуогу көрбөккө бултааччы,
Моонньоҕон улууһун буораппыт,
Муордьунап Ньукулай доҕорум.
Итиэннэ — истиҥнээх дьонуттан
Эргэрбит иитиини хомуйсан —
Иэс ылан сэптэнэр идэлээх
Эллэйи бэлиэтээн этэбин.
Өссө дуо? — Үөмпэккэ киирээччи,
Үөл-дьүөлгэ өмүрдэн ытааччы,
Өндүкээн кус өлөр өстөөҕө,
Өлөксөй — үгэлээх үтүөтэ.
54
