Page 59 - Литература 7 кылаас 2 чааhа

Аһара күлүмэх ытыыттан —
Ааһар кус айана үрдүүрэ.
Өлөрдүү илистэн, сылайан,
Отуугар чугаһаан кэлэриҥ.
Өр-өтөр, кутааҕа сырайан
Оргутан, итии чэй иһэриҥ.
Онтон дьэ сууххайдык оҥостон,
Сууланан утуйан хааларыҥ.
Куруутун уонна, түүл оҥостон,
Кустары сойуолаан тахсарыҥ.
Дьылҕам, эн истиэҥ дуу этэрбин:
Түһээммин кустуурбун былдьаама —
Саныаҕым мэлдьи мин эдэрбин,
Кырыйдым диэм суоҕа, саараама.

Анаан дьүүллэһии

Тоҕо бэйиэт мороду доҕорун кытта быраһаайдаста?

КЭРЭ ЭЙГЭТИГЭР

Күннүк Уурастыырап «Көлүкэчээн», «Кэҕэ», «Бырастыы,
Кавказ», »Үрүмэччи маҥан ат», «Долгунча», о.д.а ырыа буол-
бут хоһооннорун булан истиҥ.

Билиэн-көрүөн баҕалаахтарга

Софрон Данилов, саха норуодунай суруйааччыта, ахтар:
«Тоҕо Күннүк Уурастыырап диэн ааттаммытый? Владимир Ми-
хайловичтан хаста да мин баарбына итинник ыйыппыттара.

— Уурастыырап диэн уурастыыр диэнтэн тахсыбыт буолуох-
таах. «Наар «тук» диэбит хоту сылдьыбат, бэйэтэ эмиэ өйдүүр
өйдөөх, саныыр санаалаах, сөбүлээбэтэҕинэ уурастаан да кэбис-
тэҕинэ көҥүлэ диэн өйдөбүллээх буолуон сөп диэбитэ, — онуоха
кини. — Оттон Күннүк диэн уһун тыыннаах буолуохпун сөп».

59