Page 53 - Литература 7 кылаас 2 чааhа
P. 53
Баллырҕас баҕалаах-чохулаах
Бадараан саҕата дойдулаах,
Баһаамнык-халыҥнык үөрдээччи
Бараахтар хайдах-туох сылдьаллар?
Куһаҕан тылынан үөхсээччи
Куччугуй чөкчөҥө ханнаный?
Өрүүтүн өлөөрү куттааччы
Өһүргэс өгүрүө ханнаный?
Хаарыаннаах ньүөл өнньүөс чэл күөҕэр
Харабыл туруоран аһааччы,
Ханыылаан-наардаһан ааһааччы
Хаас аймах дьыалата хайдаҕый?
Чуумпурбут куттааҕы долгутар
Чугдааннаах, чуор-хатан хаһыылаах,
Тумара-маар сирим дойдулаах
Туруйа обургу турда дуо?
Кылбаарар үөһэнэн сырыылаах,
Кыҥкынас-лыҥкынас ырыалаах,
Кыыс курдук кынтаҕар быһыылаах
Кыталык сураҕын иһиттиэҥ?
Эн баран истэҕиҥ биһиэхэ...
Эриэккэс… Этэҥҥэ айаннаа!
Иитиллэн үөскээбит кыраайбар
Эҕэрдэ-бирибиэт ыытабын.
Иирэнэн сипсиһэр биэрэктээх
Элиэнэ, мин эбэм барахсан,
Суорҕаннаан үллүйбүт муустарын,
Сотору үрэйэн, суйдуоҕа.
Оччоҕо будуллар ууларын
Муораҕа суккуйан кутуоҕа
Муҥутуу аҥааттар мураана
Мутукча күөҕүнэн долгуйуо.
Оччоҕо күндээрэр үөһүгэр
Көтөрө-сүүрэрэ үксүөҕэ, —
53
