Page 170 - Литература ааҕыыта 2 кылаас
P. 170
— Оттон тугу ылыахтарын баҕаралларын ыйыт
ээ.
— Маша, тугу ылыаҥ этэй? — диэтэ Горик.
— Маны, маны! — Маша аҥаара кыһыл, аҥаара
күөх кыра мээчиги үөһэ бырахта. Горик мээчиги
хабан ылан, Машаҕа сонун сиэбигэр аргыый уган
биэрдэ.
— Оттон Миша, эн?
— Мин дуо? Мин буоллахпына дуо? Мин арай
маны ылыам этэ, — Миша биир таһаҕас массыы-
натын диэки ыйда.
Горик саҥата суох массыынатын одуулаһан
умса көрөн турбахтаата.
— Чэ, доҕор, сороххо үс массыына баар, со-
роххо биир да суох буолуо дуо?! — диэн баран
Иван Иванович Горик төбөтүн имэрийдэ. — Хол-
куос таһаҕаһын тиэйэргэ ааттаах массыына. Биэс
тонналаах.
Горик массыынатын диэки, Миша диэки харда-
рыта көрбөхтөөтө, онтон: «Мэ!» — диэбитинэн мас-
сыынатын тэбэн кэбистэ. Массыына көлүөһэлэринэн
муостаҕа тырылаабытынан Миша анныгар кэлэн:
«Чэ, олор» диэбит курдук тохтуу түстэ.
— Ылбаппын! — Миша түҥнэри хайыһан кэ-
бистэ.
— Ыл!
— Ылбаппын!
