Page 61 - Литература ааҕыыта 2 кылаас

Доргуччу-унаарыччы
Тойуккун туойуоххун!
Бөтүүк:
Ку-ку-куттана сыстым,
Ку-ку-куттана сыстым.
Эмтэтэ илдьиҥ, эмсэҕэлээтим.
Эмтэтэ илдьиҥ, эмсэҕэлээтим.
Дьуос:
Өҥөй Бөтүүк, доҕоччукпуот,
Өрүһүллэн кэллиҥ, уоскуйуоҥ!
Чуор-хатан тойуккунан
Чугдаарыта доргутуоҥ!

ТӨРДҮС ХАРТЫЫНА

Бары:
Дьэндэйбэтэх, самнайбатах
Дьиэ үүтээн сыыһа баарыгар
Супту сүүрэр сур Күүдээх
Арыылаах алаадьылаах;
Бах-бах Баҕа барахсаммыт
Хаппыыстаны хаһааммыт;
Туту матах Дьуос Бээгэй
Тууйаһыгар эҥин тэллэй.
Бары мустан аһыы-айбардыы
Малааһынныы олорбуттар.